生命教育 – Willing is not enough, we must do.

-濁水漂流- 成功者的反思

2021-06-152022-04-22 綽絲發表留言

最近在看《成功的反思》，書中提及到很多人會將成功歸因於自己的努力，而忽視了背後的運氣或機遇，結果對比自己社經地位差的人，常會先入為主的認為對方沒努力過，現在才會成為社會中的失敗者。

電影《濁水飄流》正正是描述一群社會中的「失敗者」。他們有各自的原因而成為無家者。他們在城市中飄流，是一潭被人厭棄的濁水。電影沒太多描述他們的背景，但正好反映出他們如何被社會邊緣化，深水涉是窮人住的地方，如果也起豪宅，窮人可以住在哪?

這是一個「贏家」與「輸家」截然劃分的年代，機會與命運，只會眷顧本就幸運的那群人，而「只要努力便能成功」成了天大的謊言。若你幸運擁有市場經濟重視的才能，便能往上爬；反之，只能跌落機會之梯。

──我們究竟該如何定義「成功」?

《濁水飄流》的無家者，他們甚至最終連人的尊嚴也被消耗殆盡，戲中一直貫穿的是金錢VS尊嚴的矛盾，執法人員強行清場時指露宿者的物品是垃圾，需要清走，以吳鎮宇為首的一眾露宿者想阻止也阻止不了。「甚麼垃圾？這是我的家當！」，輝哥打官司討回公道，只要有一口氣也要堅持爭取對方的道歉。

打造一個讓所有人都能擁有幸福與尊嚴的社會，如何保持謙卑、珍惜所有人的付出是混亂世局中，我們都必須重新學習的一堂課，讓每一個人都真正擁有尊嚴和幸福。

人與人之間，縱使身份地位不同，也只是講兩個字：尊重。

建立習慣的「儀式」

2019-06-012022-04-22 綽絲發表留言

一直以來都十分喜歡打書釘，但打書釘一般不能太長時間，此終多有行李在身，久久站立會有點辛苦，難以閱讀小說類的書籍，久而久之在打書釘的過程中訓練了速讀工具書的能力。

只要看到書名有興趣的都看看目標，再快掃一次想看的內容，閱畢後，短短的回家路徑就成了思考的綠洲，連結書中所提及的和我有何關係。

這個過程慢慢變成一種習慣，而有次我看書發現，能變成習惯原來是有背後理據的。

只有空想卻無法堅持行動

好多時候我們都想建立一些習慣去改變自己，例如最多人會希望自己有好的身型而建立運動習慣，但大部份都失敗收場，當然建立方法有好多種也有成功例子，例如APPS提醒、朋友相伴、獎罰機制、自我堅持等等，但少有人提及「儀式」。

回家路上我都會看到書店的招牌，一看到我會入內走一圈(其實有時係天氣太熱入去過下冷河)，這個「儀式」啓動了我打書釘，短短十分鐘有之，時間多時一小時有之，最後十多分鐘回家路途散步思考。

「儀式」正正是告訴我們腦袋是時候做一樣特定的事

就像反射動作般，「儀式」令你身體記起了當做的事，即是左圖所說的CUE，以後在書店走一圈就啓動其象徵的行為了(背後嘅BIO野我已經忘了)，而不約而同在教授如何提升專注力、提升睡眠質素等書時都有提及「儀式」的重要。

以下是我最近做的小實驗，慢慢都成為習慣，效果不錯

每天番工/放工「戴耳機」→ 聽電台學習英文或了解時事
每次「打開銀包」 → 用APPS 記帳了解自己的消費習慣
到辦公室「飲杯水」 → 一段時間(自訂)的專注工作
晚上「刷牙/拍拍枕頭」 → 好好入睡

暫時尚未想到寫文章的「儀式」，所以自己就經常懶惰起來了，未知有沒有甚麼好提議。

教師的最後爆SEED《3年A班－從此刻起，大家都是我的人質》

2019-05-192022-04-22 綽絲發表留言

一開頭是被標題吸引的，因為教師綁架學生這題材，會令人好奇動機是甚麼，一般而這，電影需要在頭十分鐘的時間引起觀眾好奇，以令觀眾投入角色和情節，而這日劇似乎在劇名上已做到了這個效果。

而這個效果出乎意料地在每集的開首及結尾都成功地發輝了作用，令追看性不斷升級，實在是久違了具追看性的日劇。

從此刻起大家都是我的人質

故事開首是由飾演美術教師3年A班的班導師柊一颯（菅田將暉飾）的自白開始，再切入學校日常，在畢業禮前十天引爆炸彈(真係爆嘅爆SEED)，威脅著學生要成為人質，除非解決到老師交給學生的每日課題，否則可能繼續引爆炸彈甚至殺人。

而第一個課題是: 「為甚麼我要脅持大家作人質?」

Let’s Think.

以下開始嚴重劇透。(逃生門)

透過學生之間的交流，慢慢揭開了像推理小說般的格局。

一名班內的同學景山澪奈早在半年前自殺死了，但原因不明。為解開謎團，將班上的29名同學集合起來，到底是誰引致這項悲劇的發生?

媒體的報導炒作，網上平台的火熱討論，令事件迅速升溫。
大家都在擔當起刑警責任，運用起底或網絡上片面的「證據」討論起來。

為撐起碼十集的日劇長度，故事當然不是簡單的找出兇手就完結，一個一個的線索和疑團，在每日的課節中一步一步走到背後的真相，開初幾集由被誤解、欺凌、偽造影片、地下組織、熱血老師的假象等等，令劇集走向一個又一個的新謎團，不只讓學生摸不著頭腦，而老實說這也成為了劇中的敗筆，就是和這位自殺同學相關的人物實在太多了(另一敗筆係咁多學生都KO唔到個老師實在廢，如果菅田將暉再大隻D或者會有D說服力)，為了迫在一個場景下發生所有事(學校其中一班)，拉攏各人過程中就有沙石了，也許改為7–8集會好得多，尾幾集也漸多FLASHBACK了，後勁不繼。

雖然有點恨鐵不成鋼，但總算反映了班房中的中學生的現實(唔多唔少都中依家D學生問題)，每集的說教式結尾，實在是久違了的感覺，日劇迷而言，以往《女王的教室》、《家政婦三田》又或者木村一系列日劇(仲有好多套，但唔舉了)，可以說是建構了不少觀眾的價值觀(我細細個就睇，懷疑有半份性格黎自日劇)，了解說話的重量、和朋友傾訴的重要、找出自己人生方向、人際關係應如何磨合、愛情中得不到的執念等等。

「因為你一句微不足道的話，有人可能因此得救，但是相反的……不要忘記也有人可能因此受傷。」

最尾一段的自白，看著鏡頭的演釋，實在有當頭捧喝的感覺，讓我想起，最近有單新聞是馬來西亞一名16歲少女在Instagram發起投票問網民，應該選擇死亡還是活下去；結果有69%人投下「死亡」的選項，不料數小時後少女跳樓自殺死亡。

對應了上篇《我們與惡的距離還遠嗎?》中，很容易在無形之中也殺了人。
社交平台成了訊息的主導者，好人壞人，事情好壞都由網民主導著一切，真真假假誰人能分，以往欺凌的問題，在今日社交平台用戶比全球人口還要多的年代，網絡欺凌的嚴重性甚至比肉體的欺凌來得更嚴重。

你們已經過了可以感情用事、隨意犯錯的年紀，要思考思考思考，對自己說的話以及做的事負起責任來。

面對刀槍的攻擊你也許會被嚇壞了，但「惡意的言語」的攻擊性更容易在不自覺的情況下桶了別人一刀。柊一颯教學生《靜思定》實在是一道網絡惡意的好解藥，只是現實中誰有這能耐，故事結尾都表明了現實在事件後沒有怎改變(雖然最後個網友無禁到ENTER，個人覺得係多左)，不過對主角而言，那十天就是她整個青春了。

對一個教師而言，有一個課堂能成為學生的青春，無憾了。

新世代下的 Sex Education

2019-02-042022-04-22 綽絲發表留言

今時今日有NETFILX 真係可以幾日唔出街，省卻晒以往又要GOOGLE 線上看又要搵種最後仲可能係低清或DL到一半粒種就死左嘅煩惱。係現今世代，一百幾十甚至免費都有咁多娛樂，後生仔唔讀書真係怪佢唔落，有得揀，邊個會攞苦黎身(不過戴定頭盔先，讀書都好有樂趣，可惜唔係咁多人識欣賞)。

細個讀書身邊同學都係恰眼訓居多，係聽聽下書有人爆幾句鹹趣野D人先會有番D反應係到嗚呀嗚呀，特別係教到咩 Reproduction 個D大家明啦，家下就可能通識堂讀讀下公共衛生恥笑下班上某同學有性病/要安全D之類啦，而最興奮莫過於性教育堂有得玩下避孕套，講下鹹野，笑下笑下又一堂。

香港性教育落後咩咩咩講左好似都好多年(印象中不下十年?)，家下有無咩改進我都唔太清楚，但係我肯定嘅係家下D小朋友要搵D鹹趣野睇，仲要係高清，VR 定AR 定各類要求啦，一定比以往「快狠準」好多個十倍。

寫得呢個Topic 都係咁依都左少少Research，原來教育局個性教育指引都已經廿年無變，咁D 父母又多數唔多同個仔個女傾呢味野 (我相信係啦)，但同時又離晒地Expect 仔女係聖人，唔會知、唔會睇、唔會傾、唔會試，咁性知識係邊黎大家都心中有數啦，出事都真係… 唔識講。

當年的教育署在1997年編訂《學校性教育指引》，自此就再沒有修訂。學校怎樣執行這些指引，如何評估和檢討教學成效，也沒有統一規定。
資料來源: https://bit.ly/2By7IeM

最近呢套 NETFILX 嘅SEX EDUCATION 真係可以加番入呢個教育局教材套(打左四段先入到正題sigh)，一於一集一個教案啦，不過我都100000% 肯肯定係無咁嘅可能 (就算CUT 晒D鏡頭、DO晒D粗口都一定比人話教壞細路)，套野主打係人人面對關係，面對性其實都係唔識處理，又真係啱，細個邊有人教點處理男女關係，主要都係望下呀爸呀媽，再自己撞下板或者睇電視劇電影，OR十萬個激嬲女朋友嘅理由到學(好似係，然後下次再撞板)，早幾日仲見到有報告話其實女人自己都唔知自己其實諗緊咩，叫男人死左條心唔好咁認真，真精警。

而呢套NEXFILX完創故事，主角係一個叫 Otis 嘅16歲𡃁仔，毒毒一個自慰唔到，生活係個單親家庭，阿媽係個性愛治療師，身邊大把男人，成屋都係陽具同陰道，真係比我都唔知點叫朋友仔黎屋企玩(題外話: 間屋真係好靚，羨慕死我呢D典型無樓港人)，但係呢D設定少少誇張又幾好睇，加埋呢個主角身邊D中學生，一係基、一係LES同時都唔知自己咩狀態，一係射唔出、一係性上癮好似幾爽但唔知自己想要咩，再加一堆歧視、欺凌問題啦，道出一句搞掂，就係「個個有本難念的性經」睇落可能會心諗唔是卦，個個都咁多問題? 戲劇效果誇張外露少不免，不過代入番香港，D小朋友唔出聲姐，心入面有無咁多問題，我可以好肯定咁答番你:「有！」。

細細個比人蝦、比人玩少不免，初戀唔識拍拖Hurt親人少不免，對方對你提出性要求都係少不免，屋企人嘈交更加唔駛講，都唔好講咩GAY LES LGBTQ等各類型Gender問題，你話係未大穫，呢D成長最重要嘅野無人教咁點算?

學校幫到你唔多，咁仲有咩人有責任? 不過其實我覺得最大穫就係父母唔識教，呢幾年都有人講做父母應該要考番個牌，不過點樣做人父母呢D 哲學問題又真係唔係咁易First Hon，你見套劇就知，Adam老豆係校長都係權威型個類啦，結果搞到個仔仲反叛當住全世界講I Hate You落老豆面，ERIC 仔日日化妝，黑人老豆淨係想佢to be normal，最好唔好比阿媽見到，佢點會接受到自己，Maeve 直頭無阿爸阿媽，得個搞屎棍哥哥，有問題自己搞掂，點會同你傾心事，仲有Jackson 個魔鬼教練媽，Otis 個Open 老媽子，絕對反映到家長對下一代嘅深遠影響，不過一般父母都將個波交比學校就算，輕鬆晒YEAH!

有咩事? 搵主角Otis啦，明明自己無性經驗，誤打誤撞同女主角Maeve係學校開始左性愛治療嘅咨詢，一個搵客做下Arrangement 一個同客治療下賺個錢， (睇落又好似幾好搵)就開始左 SEX EDUCATION 呢個故事。

Otis嘅性愛診療，其實都係個幾樣野，所以劇情都比唔少人話太公式化，只係一般愛情片不過加入性元素，都啱嘅，比番三招你袋落袋。

1.同人講你真實的想法
2.唔好怕面對自己問題
3.了解自己知自己想要D咩

呢幾點講就易做就一世都未必KO到，算係套劇比觀眾一個少少提醒，公式得黎都受落。

好多時性教育只係講避孕方法講墮胎之類，都忽略學生「性慾」嘅問題，青春期有開始有性慾人之常情，就算你無都唔代表人無，唔一定係精蟲上腦性慾強，SEX EDUCATION 入面有個Case，個女仔係咁問人想唔想同佢Have Sex，好肉食女Feel，主動出擊但穫穫都失敗收場，最後忍唔住終於講出自己心底話，原來有時係朋輩壓力之下，有人會驚自己落後比人笑，用性愛黎得到朋輩肯定。(呢個位真係唔知家下中學生小朋友們去到咩程度，但我估大學生笑人A0 Grad 青頭仔呢D都聽唔少)

SEX EDCATION 講出左就算係開放社會，表面成日提性，但內裡都係難以啟齒，或者只當係笑話(更何況係香港人)，要令「性」變成講得出口嘅秘密，唔係色情或者恥笑嘅話題，SEX EDCATION算係成功透過唔同CASE 講出左角色們最RAW 嘅諗法。好明顯套劇唔係教你咩叫做愛，而係教我地點尊重自己尊重人，理得佢係咩關係、性又好、朋友、愛情定家人都好，每個人都需要被傾聽，都需要有表達自己想法嘅時間。

想人開口，你READY 好聽未先?